aag or insan, aag aur shola, aag ka gola, aag or insan ka safar

Aag or insan

Hello dosto aaj ki is post “aag or insan” me aap sab ka swagat hai. Sab se pahle mai mafi chahta hu ki ye post ane me thoda samay laga.
Aksar “aag” sunte hi hamare rongte khade ho jate hai. Lekin is aag ke bina hamara Jivan jina lagbhag asambhav hai. Yah bhi hame achi tarah se gyat hai.

Aag or insan

Jaisa ke ham sab jante hai shurwati samay se hi “aag or insan” ka bohot hi gehra sambandh raha hai. Pahle insan aag se bahut darta tha. Dhire dhire usne apne Buddhi ka prayog kar us aag par kabu pana sikh liya. Or us aag ka upyog sahi jagah or sahi tarike se karna shuru kar diya.

Aag or insan ka rishta

Agar dekha jaye to aag or insan ka rishta samay ke sath badlta aya hai. Pahle jab insan ko jangal me lagi bhayanak aag se dar lagta tha. Insan aag ko ek dushman or darawni chij samzta tha. Or samay bitne ke sath ek vahi insan aag ko bhagwan ke rup me poojne laga.
Insan or aag ka rishta kaise badlta gaya aaiye ek udhaharan se smzte hai.

aag or insan, aag aur shola, aag ka gola, aag or insan ka safar

Aag or insan ka safar

Ham sab achi tarah jante hai ki insan samajik jeev hai. Vah shurwati samay se hi samuh me rahta aya hai. Jise ham “kabila” kahte hai.
Har ek kabile ka ek mukhiya hua karta tha. Jo sadasya sharirik or mansik roop se saksham hota use kabile ki sari jimmedari saopi jati. Vah mukhiya ya sardar har sankat ki paristhiti me apni shakti or yukti se kabile ki raksha karta tha. Apne kabile ki sari jimmedari us nayak ki rahti.
Kabile ka har sadasya us nayak ka bohot aadar or samman karta tha. Yaha tak uski pooja bhi ki jati. Yaha pooja jata ka arth yah hai ki use prasanna karne hetu acha khana, sugandhi ful arpan kiye jate. Q ke kabile par anewali kisi bhi sankat ki ghadi me vah nayak hi sab ki surksha karta. Jaise ek raja apni praja ki raksha karta hai.

Kahne ka ashay yah hai ki sab shreshth vyakti ka aadar karna ya pooja Jana shayd yashi se shuru hua hoga. Vahi pooja aaj ki vidhi vidhan se karne wali pooja ban ne wali thi.

Insani dar

Dosto shuruwati samay me jab janglo me bhishan aag lagti tab aag ki chapet me jo bhi ata jal kar khakh ho jata. Us bhishan aag se bach pana kisi bhi vanya prani ya insan ke bas me nahi tha.
Jahir si bat hai mrutyu k dar se sare kabile ke sadasya apne nayak ke pass apni jaan bachane ki prarthna karte. Jaise kisi vipda ke anepar praja ek raja ke pas madat ki guhar lagati hai.

aag or insan, aag aur shola, aag ka gola, aag or insan ka safar

Aag ki pooja

Dosto us wakt insan sahit sare vanya jeevo me aag ke dar ki dahshat bhari hoti thi. Koi samz nahi pata ki aag akhir hai kya? Kabile ke sare sadaya apne nayak ke pas bhagte. Magar kabile ka nayak bhi us aag ko kabu pane me asamrth tha.
Aise me sab ki or kabile ke nayak ki soch yah rahi hogi ki yah aag sab se saktishali hai. Ise rokne ka khush karne ka bas ek upay hai. Is aag ko prasanna karna ya is aag ki pooja karna. Kyu ki koi anya upay un sab ke pass tha bhi nahi. Pooja hi ek aakhri rasta tha. To vah aag ki pooja karne lage.

Aag ka Pratik

Dosto ab sb aag ke kop se bachne ke liye aag ki pooja karna chahte the kintu aag ek jagh rukti kaha thi? Ya uska koi murt-roop nahi tha. Or nahi use kabu karna saral tha. To aise me sawal yah tha ki aag ko ek jagah rok kar aag ki pooja kaise ki jay.
Jahir si bat hai sankat ke samay insan ka buddhi ka prayog karna swabhavik tha. Usne aajtak koi aisa jeev ya janvar nahi dekha tha jo aag ka upyog karta ho ya aag ko sambhal skta ho.

Uske dimag me aag ki pooja karne hetu koi pratima nahi thi. Atah Usne khud ke nayak se adhik shaktishali lagne wale ek agni Pratik ki rachna ki. Jo agni ko apne hatho me sambhal sakta tha. Or uski pooja kar ke use bhi apne nayak ki tarah prasanna karne laga hoga ta ki use aag se use koi nuksan na ho sake. Us pooja me shayd vo nayak ya kabile ka sardar bhi shamil hoga kyu ki use bhi yahi lagta tha ki us se bhi shaktishali koi hai jise vah apne kabile ki raksha nahi kar skta.
Shayd is tarah use aag ko prasanna kar ke vah aag ke prakop se bach payega aisa insan ka man na raha hoga.

aag or insan, aag aur shola, aag ka gola, aag or insan ka safar

Sawal

Kya vah yahi Pratik tha jise aaj aag ka devta mana jata hai? Khair yah bhi ho sakta hai samay ke sath insan ne aag par kabu pana sikh liya ho. Or jis nayak ne pahli bar us aag ko apni hatho me ghass or lakdi se bani Mashal me thama ho usi nayak ke Pratik ki pooja ki jati ho.

Soch ne ke liye ham bohot kuch soch sakte hai. Kyu ki hamare pass dimag hai. Or ham bhi insan hai.

Khair tab insan ke pas jitna dimag tha utne dimag ka usne puri tarah upyog kiya. Kintu apne dimag ka pura upyog kar ke bhi tab use na to koi bhagwan samzta hoga na hi koi dharm nahi koi jat-pat. Shayd kisi bhi dharm ka bade se bada samrthak bhi ja ke use samzta ya Hindu, Muslim, Shikh, Isai ka path padhata fir bhi use kuch samaz nahi aata.

Kyu ?

Kyu ki shayd us wakt ka insan, insan nahi janvar hoga. Kyu ki us wakt vo jat-pat ke liye ladta nahi tha. Ya isiliye ke use kisi bhi dharm ke bhagwan ki khabar nahi thi?

To dosto yah thi shantidut ki or se ek chotisi post aag or insan ke safar ki or aag ke Pratik ki. Muze aasha hai ki aap ko jarur pasand aayi ho.
To Milte hai shantidut ki ek nayi post “pani or insan” ke sath.

Dhanyawad

Leave a Comment

आपका ईमेल पता प्रकाशित नहीं किया जाएगा. आवश्यक फ़ील्ड चिह्नित हैं *