berojgari, berojgari ke karan, berojgari ka samadhan, berojgari in india, berojgari ek samassya, berojgar yuva

Berojgari ek samasya

Berojgari ek samasya

Berojgari din-b-din teji se badhti hui ek aisi samasya hai jiska hal nikalna namumkin sa ho gaya hai. Aaj unchi se unchi shiksha lekar bhi yuva ghar me baithe najar aa rahe hai. Kyonki unhe unki shiksha ke anurup naukri nahi mil rahi. ya unke shiksha tatha kaam ke anurup vetan nahi mil raha hai. Bharat me Berojgari ke karan vash anek yuva hatash hokar gunhagari ka rasta apna rahe hai. Berojgari ke karan hi unhe anuchit marg apnane pad rahe hai. Berojgari ek samasya hai jise abhi samza nahi gaya to iske boht bade paimane par nuksan ho sakte hai.

Vahi dusri oar kai company tatha naukriyo k liye kushal logo ki kami dekhi ja rahi hai.

To chalte hai aaj ke hamare isi topic par jo Berojgari pr adharit hai. Yah jan ne ki koshish karte hai ki akhir kya hai ye Berojgari. Aur kin kaarno se Berojgari me aaye din ijafa ho rha hai. Jo aaj k aadhunik yug me ek badi samsya ban gai hai.

Berojgari kya hai? (Berojgari in hindi)

Ham sb sochte hai ki padhe likhe yuvao ka naukri na milna Berojgari hai. Mere vichar se “Padhe, likhe, kushal or kabil yuvao ka nikmma baithna” sahi mayne me Berojgari hogi.

Lekin hame yah sawal apne ap se ek bar puch kar dekhna chahiye ki padha, likha, kushal or kabil yuva sach me khali baith skta hai ?  Apka javab hoga nahi. kyo ki vah padha likha hai, sath hi kushal or kabil bhi hai. Isiliye samay ke sath apni buddhi ka prayog kar uchit samay uchit nirnay lena us ke liye kathin bat nahi hogi. Or vah yuva apni kabiliyat ke hisab se uchit samay par uchit sthan par naukri pa lega ya koi chota vyavsay shuru kar lega.

Mere vichar se Berojgari yah kalpna hi bekar hai. Vo isliye ki vah yuva kabhi berojgar nahi ho sakta jo padha, likha, kushal or kabil ho.

Berojgari ke prakar

1) Pramukh Berojgari

Apne yogyata aur kaaryakshamata ke anusar jab uchit naukri na mil paaye to use ham  Pramukh Berojgari kah sakate hai.

2) Swanirmit Berojgari

lekin adhikatar Berojgari swanirmit bhi hotee hain. jab vyakti apani yogyata se bada sapana dekhakar, chota milata hua kaam na kar ke berojagaar rahata hai to ise Swanirmit Berojgari kaha jana chahiye.

kai varsh pahle naukriya thi. Kintu us samay ka yuva khud ka chota mota vyavsay karna ya kheti karna jada pasand karta tha. Tab na to shiksha ko itna mahtwa diya jata tha aur na hi naukri ko. Us samay jo insan thoda bhi shikshit hota tha use asani se naukri prapt ho jaati thi. Kyonki tab naukriya to uplabdh thi, kintu naukrio ko krne ki ichha aur ruchi jyada logo me nhi thi. Jaise jaise samay gujarta gaya vaise vaise insan or uski soch me parivartan ata gaya. Naukari ko mahtva diya jane laga or aaj vah naukri itni mahtwapurn ho gai hai ki insan ki pahchan bhi naukri se hone lagi hai.

Berojgari ek samasya

berojgari, berojgari ke karan, berojgari ka samadhan, berojgari in india, berojgari ek samassya, berojgar yuva

Bharat me Berojgari ek samasya (Berojgari in india)

Berojgari sirf Bharat me hi nahi balki samuche wishv ki samasya hai. Bharat ek vikasanshil desh hai. Or har dekh ke vikas me yuvao ki ek aham bhumika hoti hai. Yuvao ko desh ka vikas stambh bhi kaha ja hai. Har desh ki karya pranali inhi yuvao se prabhawit hoti hai. Aaj Bharat desh me Berojgari ka is kadar bol-baala hai ki saal 2018 me Bharat me Berojgari ki dar me pehle k mukable 3.5 pratishat ki vruddhi ka anumaan hai.

International Labour Organization (ILO). Ki ek report ke anusar 2018 me Bharat me 18.6 million yuva Berojgari ki samya se prabhavit hone ka anuman hai.

Bharat desh me Aaj garib se garib insan bhi apne bachho ko padha-likha kar swavlambi (independent) banana chahta hai. Gramin kshetro me rojgar k awsar kam hote hai. Vaha jyada se jyada kheti aur kheti se jude rojgar aur wyavsay hi prapt ho sakte hai. Par shikshit yuva vaha rojgar krne me hichkichata hai. Aaj ka yuva rojgar ki talash me shahro ki taraf badi sankhya me palayan karne laga hai.

Berojgari ke karan

Bhjarat desh me Berojgari ke karan anek hai, jo Berojgari ko badhawa de rahi hai. Hume inhe niyantrit karna hoga. Chaliye jaante hai aise hi kuch karno ko jinki vajh se Berojgarime ijaafa ho rha hai.

Jansankhya (population)

Jansankhya ek aisa karan hai jis se Berojgari ek samasya bankar ubhri hai. Bharat ek vishaal janasankhya vaala desh hai. Jansankhya ke vistar se rojgar kshetro me pratiyogita (competition) badhti hi ja rhi hai. Janasankhya jitani teji se badhti ja rahi hai, nagriko ka aarthik star aur rojagaar ke avasar utne hi tejise girate ja rahe hain. Naukri ki sankhya simit hoti hai aur aawedan karnewalo ki sankhya asimit. Lakho pratiyogiyo me se kuch hi yuvao ko naukri mil pati hai. Bharat desh ki badhti jansankhya ek karan hai ki aaj adhikaansh yuva berojagar hain.

Kaushalta ka abhaw (lack of talent)

Ek surveykshan report ke anusar Bharat me, 47% shikshit yuva aise hai jo rojgar ke layak hi nahi hai. Ji ha dosto, baat katu to hai par satya hai.

Jaha rojgar k awsar hai, naukriya hai vaha kushal logo ka abhaw hai. Aaj k yug me paryapt gyan na honepar bhi asani se degreeya hasil kar pa rahe hai. Unme se kuch yuva akushal hai, is bat se ham mukar nahi sakte. Har shikshit yuva ko kushal nahi kaha ja sakta jab tak vo sampurn roop se us naukri ke liye kushal nahi hai.

Shiksha pranali. (Education system)

To aisa q hua ki, log degreeya prapt to kar rhe hai par gyan prapti nhi ho rahi hai. Kya naukri ke liye sirf degree ki hi jarurat hoti hai? kya gyan aur kaushalta ki jarurt nhi hoti? Ji bilkul hoti hai. Degree ka matlab उपाधि hota hai jo ki sampurna gyan prapti argit karne par di jati hai. Berojgari ek samasya bani hui hai iska ek karan hamari shiksha pranali hai.

Aisa kya hai ki, yuvao me kaushalta ka abhav hai. Aaj hamari shiksha pranali aisi hai ki , hum apne shram aur praytno se agli class me pravesh nahi kar rahe hai. Hum bas ek varg se dusre varg me pahuchaye ja rahe hai. Jis din ham khud ki mehnat or buddhise gyan arjan kar shiksha ki upadhi hasil kar lenge, tab hamara kaushal vikas hoga. Or hame Berojgari ka samna nahi karna padega.

Dusri or hamare desh me sirf or sirf saksharta ko hi jada mahatva diya jata hai. Vyavsayik or takniki shiksha ko utna mahtva nahi diya jata hai jitna shakshrta ko diya jata hai. Ham bhartiya jo sharirik or mansik tor par karya karne ke liye samuche vishv me pahchane jate hai. Lekin shiksha pranali me abhi bhi sharirik shram ko kisi bhi prakar ka mahtva nahi diya jata. Isi vajah se aaj ka yuvak shram karne se ghabrata hai or lajjit mahsus karta hai.

Kam wetan me kaam

Berojgari ka aalam yah hai ki, uccha shikshit varg k log bhi berojgar baithe hai. Unhe unke shikshan k anuroop wetan nhi milta. Aur agar wetan jyada mil bhi raha ho to kaam ka samay, samanya se kuch adhik hi hota hai.

Par laachari aisi hai ki, kai majbur yuvao ko pariwar chalane hetu aisi kam wetan wali naukriya bhi karni padti hai. Kaam ka samay jyada aur uske mukable kam tankhwah. Par majburi aur bebasi me aise kai log majduro jaise bhi kaam kar rhe hai. 

Berojgari ek samasya

berojgari, berojgari ke karan, berojgari ka samadhan, berojgari in india, berojgari ek samassya, berojgar yuva

 

Naukri ke naam par Dhoka(Employment fraud)

Bharat me badhti berojgari ke chalte bohot se yuva dhokadhadi ka shikar ho rahe hai. Yuvao ki majburi aur lachari ka fayda uthakar unhe tthaga jar aha hai. Yuvao ko naukri dilane ke naam par, rojgar pradan karne k naam par kai tarah se loota ja raha hai. Aur lachar bebas yuva unke zhanse me aa bhi jaate hai.

Kai aisi job aur career consultancies rehti hai jo aapko guaranteed naukri dilane ka wada krte hai. Kintu yadi in consultants se wakehi rojgar pradan kiye jaate to aaj koi berojgar kyu hota?

Islye hume naukriya talashte huye sahi puchhtaachh karni chaiye aur satark rehna chaiye, aise hi kisi k zhanse me aa kar koi bhi nirnay nahi lena chahiye.

Sthanantaran (Transfer)

Rojgar ki talash me yuva gramin ilako se shahari kshetro me sthanantaran karte najar aa rahe hai. Isi karanvash shahri kshetro me rojgar hetu bade paimane par pratiyogita dekhne ko milti hai.

Mobile aur social media.

Aaj yuva berojgari ke chalete khaali samay wyatit karne ke liye mobile aur Social media ka upyog karte hai. Kintu in madhyamo dwara. yuva apna kimti samay vyarth me gava rahe hai.

Mobile, social media, internet, netpack, messaging, free calling, chatting, Selfie ye aise madhyam hai jo aaj ke yuvao ko uski Berojgari ka ehsas hi nhi hone dete. Aur jab tak unhe berojgari ka ehsas nhi hoga, tab tak  yuvao dwara rojgar prapt krne ka mauka bhi nahi talasha jayega.

Berojgari ek samasya or samadhan

Sarkari yojnaye

Bharat sarkar ne rojgar pradan karne ke liye yuvao k heet me kai yojnaye pradan ki hai, jaise Make in India, Digital India, Skill India , Start-up jaise kai project hai jiska laabh bhartiya yuvao ko lena chaiye.

Berojgar bhattta bhi aisa hi ek sarkari project tha, jisme naukri ki kabiliyat rakhne wale berojgar yuvao ko berojgar bhatta pradan kiya jata tha.

berojgari, berojgari ke karan, berojgari ka samadhan, berojgari in india, berojgari ek samassya, berojgar yuva

Start-up: Agar staartaps ko badhaava diya gaya to yuvaon ko adhik maatra mein rojgar prapt hoga. Bhartiya yuvao ke paas kaoshal bahut hai. Unhen utsaahit kiya jaye to hamare desh me koi bhi yuva Berojgariki mar nahi sahega. Is tarah chote-chote startups Berojgari ka samadhan ban kar ubhar sakte hai.

Agr hamara yuva sarkari nauri- sarkari naukri karta raha to simit nakriya hone ke karanvash berojgar ho jayega. ise hame samzna hoga or chote chote startups shuru kar berojgari ko rokna hoga.

To dosto aaj ki ye Berojgari par adharit post ap sabhi ko kaisi lagi ye comment kar ke batana na bhuliye. Aap ke suzav Shantidut team liye bohot mahatwapurn hai.

“Dhanyavad” Apka din shubh ho.

3 thoughts on “Berojgari ek samasya”

Leave a Comment

आपका ईमेल पता प्रकाशित नहीं किया जाएगा. आवश्यक फ़ील्ड चिह्नित हैं *