Bhartiya Nari ki Swatantrata,Western Culture or Bhartiya nari,Bhartiya Nari or Suraksha Upay

Bhartiya Nari

Bhartiya nari ki suraksha yah samuche bharat desh me bohot bada sawal ban ke ubhra hai. Ji ha dosto, Hamara Bharat jise aazadi mile 72 saal ho gaye hai. Itne sal angrejo ki gulami karne k baad mili Iss aazadi ka haq Bhartiya nari sahit har kisi ko hai. Har koi aazadi ki zindagi jeena chahta hai. Dr. Baba saheb Ambedkar dwara likhit Sanwidhan ke 6 mulbhoot adhikaro me se ek hai *Swatantrata ka Adhikar*. Har Bhartiya nari ko apni echhanusar swatantra jeene ka adhikar hai. Har Bhartiya nari ko Apne vichar wyakt karne ka adhikar sanwidhan dwara diya gaya hai.

Darshanik Ruso ne kaha hai, “har insan aazad hokar hi janma leta hai”.

Bhartiya Nari ki Swatantrata

Pehle Bharat desh angrejo ka gulam tha. Ab kai dusri gulamiya ise jakde huye hai. Inme garibi (poverty), ashiksha (illiteracy), nasha (addiction), julm or atyachar ityadi. Shamil hai.

Par isi ke sath sath ek mahatwapurna vishay hai, Bhartiya Nari ki Swatantrata. Kya is aadhunik bharat me Bhartiya nari swatantra hai? Kya ek Bhartiya nari apni echhanusar kahi bhi surakshit bhraman (ghum) kar sakti hai?

Bhartiya Nari ki Swatantrata,Western Culture or Bhartiya nari,Bhartiya Nari or Suraksha Upay

Beshaq angrejho ki gulami khatam ho gai. Par ab bharat me insan hi janvar ban gaya hai. Ek insan dusre insan k sath janvaro jaisa whaywhar karne laga hai. Bhartiya Nari k sath atyachar, julm, balatkar, Shaaririk yaatnaye, Acid attack jaise durwyavhar aaj kal koi nai baat nahi hai. July2018 k ek survey ki report k anusar balatkar, nari k khilaf kiya janewala chautha (4th) common crime hai.

Aaye din rojana akhbaro me dhero khabre pdhne milti hai. Balatkar, Nabalig ka rape, vidhwa ka balatkar, naukrani ka yaun shoshan, vidhwa jabran balatkar. Aisi hajaro ghatnao me pidit hoti hai bas Bhartiya nari. Aisi hi darawni ghatnao ke aadhar par hame yah samz jana chahiye ki aaj ki Bhartiya nari surakshit nahi hai. Aaj ek Bhartiya nari na to rahat se jee sakti hai, na sukoon se saans le sakti hai, Kyo?

Kyoki insan ke roop me jo shaitan basa hai vo bas har wakt maoka talash raha hai ke kab apna shaitani roop dikha sake.

Nari suraksha aaj ek bahot badi samasya bante ja rahi hai, Bhartiya nari ghar se na to bina dare pair rakh sakti hai, na bekhaof hokar nazre upar kar k chal sakti hai.

Western Culture or Bhartiya nari

Kaha jaata hai ki western culture ko aatmsaat karne k wajeh se, aur chhote kapdo se balatkar ki ghatnao me ijaafa hua hai. Par kya sach me yah wajeh hai? Kya sampurna vastro se saji nari k saath atyachar nhi hota?

Kabhi dost k sath bus me ja rahi vidyarthini ka rape kar diya hai. Chalti bus me 6 naradhamo dwara uska samuhik balatkar kiya jata hai or sharirik yatnaye di jati hai. Lohe k chad se uske ango ko goda jata hai.

Kahi gaaw me 13 warshiy bacchi ka balatkar kar uski hatya kar di jaati hai, aur shav ko kachare jaisa fek diya jata hai. Ye hamare akhbaro or samachar channels par khub dikhaya jata hai.

Kya yaha us nanhi bachhi k kapdo ki galti hogi? Ya fir insan ki sankuchta aur nichi soch ki vajah se ye hua. Ya uske andar base shaitani pravrutti ki vajah se hua.

Bhartiya Nari ki Swatantrata,Western Culture or Bhartiya nari,Bhartiya Nari or Suraksha Upay

Aankdo k andaje aur balatkar k survey reports dekhi jaaye to har saal 1,00,000 nabalig me se 7,200 nabaligo ka balatkar hota hai. Jisme balatkari jyadatar pidit ke jaan pehchan ke hi hote hai. Kai garib bastiyo me maa baap k kaam par jaane k baad unke bachho se durwyavhar kiya jata hai. Lalach dekar nabaligo ko behlaya jata hai. Kai baar schoolo me bhi bachho ka yaun shoshan hota hai.

Aur unme se sirf gini-chuni reports hi police me darj karai jaati hai. Har saal bharat me 71% balatkar case bina report ke reh jaate hai. Iski vajah hoti hai samaj ka darr, blackmailing, aur kai baar police prashasan ki report darj karne me aana-kaani karna shamil hai.

Bhartiya Nari or Karyasthal

Iss aadhunik yug me Bhartiya nari apne pairo par khade hona chahti hai. Raat ke samay par kaam karna chahti hai. Par rat ke wakt kam karne se ya der raat karyasthal se ghar laotane me use kis bhayavah paristhitiyo se gujarna padta hai is bat ka ham andaja bhi nahi laga skte.

Bhartiya Nari or Suraksha Upay

Aaj vigyan or pradyogiki (Technology)ne bahot tarakki kar li hai. Nai-nai taknike ijaad ho rahi hai. Nari suraksha k lye bhi kai aisi takniko ka shodh kiya ja raha hai, jisme Bhartiya Nari aprtyaksh roop se khud ki suraksha kar sakti hai. Aaj mobile se bhi Bhartiya Nari khud ko surakshit karne ke application istemal karti hai.

Kai mobile application jaise VithU, Himmat, Bsafe, Raksha jaise application hai jo location sharing, SOS activation, Bluetooth, mobile connectivity, GPS tracking jaise features ko support karta hai.

Kuch Application tools, gadgets dikhne me key-chain, pendant, bracelet, rings, watches jaise istemal kiye jaate hai. Jo dikhne me aabhushano jaise dikhte hai, aur kisi ko uake suraksha-yantra hone ki khabar tak nahi hoti. Aapat-kalin sthiti me ve activate ho jaate hai aur police control room, aur pidit k gharwalo tar message pahuch jaata hai. To aaiye jaante hai aise hi aaplication aur gadgets ko.

Kanega Watch

Kanega watch Ise ek stylish watch ki tarah pehna ja sakta hai aur aapt-kaalin sthiti me user “Help” command de sakta hai. Isme smartphone connectivity ki koi aawshyakta nahi hai.

Allen Band

Allen Band Yah har varg k jaruratmando k liye banaya gaya hai. Jisme button daba kar apne shubhchintako ko bataya ja sakta hai ki ve sakushal hai, aur yadi kisi samasya ki vajah se button nahi dabai gai to subhchintako ko automatically alert message pahuch jata hai. Jisse madad pahuchai ja sakti hai.

iBeat

iBeat Yah heart monitoring Device hai jise user safety device k taur par use kar sakta hai. User k heart rate ki jankari company ko jaati hai, agar rate me kuch kam jyada hone par user se contact karne ka prayatna kiya jata hai. Agar user ne pratikriya nahi di, to anuman lagaya jata hai ki user kisi taklif me hai aur turant madad pahuchai jaati hai.

Nimb

Nimb Yah ek anguthi (ring) jaise pehna jaata hai jiske madhyam se aapat-kalin sthiti me alert bheja jaata hai. Ise ek baar Activate hone par Nimb ring smartphone se connect hokar pehle se set kiye gaye contacts ko alet  signal bhejti hai. Jisse user ko madad ki ja sakti hai.

Smart 24×7

Smart 24×7 Nari or vruddho ki suraksha ke liye iss app ko kai rajyo ki Police istemaal karti hai. Iske antargat Voice recording, tatha mauka-ye-wardat ki tasvire khich kar ye police ko forward ho jati hai. User ko panic button daba kar, service ko select kar k final submit karna pdta hai.

Himmat

Himmat ek aisa safety app hai jise use karni ki salah Delhi police bhi karti hai. Iske registration k lye sabse pehle Delhi Police ki Website par ja kar khud ko register krna padta hai. Is app me SOS alert system hai, jisse location k sath sath audio aur video directly Delhi Police Control Room ko pahuch jata hai.

Safetipin

Safetipin bhi ek mobile app hai. Jisme GPS tracking k sath-sath aur bhi kai features hai. Is app k madhyam se safe (surakshit) aur unsafe(asurakshit) sthano ko Pin kiya jata hai. sath hi teen bhashao me use kiya ja sakta hai.

Is tarah k aur bhi kai app hai, jo suraksha k lye use kiye jate hai. Jaise SAFER, VithU, Raksha, Stay-secure, Women-safety.

Beshaq inn app aur gadgets se puri suraksha nahi pradan ki ja sakti par police tatha paariwarik sahayta milne me aasani ho sakti hai. Iske use se kuch hadd tak suraksha mil sakti hai. Tatha wardat tatha, ghatna-sthal ku jaankari, vaha ki tasvire, apraadhi ki pehchan aur unke krutyo ka bhi pata kiya ja sakta hai. Jisse ghatna ka vristit pata chal sakta hai. In sab app aur gadgets k sath-sath hume thodisi hoshiyari, saawdhani, presence of mind aur dhayrya rakh kar koi tarkib sochna chaiye. Aur uss sthiti se bahar niklne ka prayas kiya jana chaiye.

Bhartiya Nari ki Swatantrata,Western Culture or Bhartiya nari,Bhartiya Nari or Suraksha Upay

 

Udaharan

Riya jo ek Bhartiya nari hai, rojana kaam kar k raat ko ghar lautati hai. Vah ghar jane k lye taxi karti hai. Sath hi taxi number aur driver ka naam pata puchh kar apne pariwar ko message kar k bata deti hai. Aur kitne samay me tak ghar pahuchegi iska andaja bhi bata deti hai. Jisse agar kabhi kisi emergency ya sajish ki shikar ho rahi hogi to pariwar ko andaja ho jaega aur gadi number se apradhi ka pata bhi lagaya ja sakta hai.

Hamari Bhartiya nari bharat me puri swatantrata ke sath jiye. Nirbhay ho kar purusho ke sath kandhe se kandha milake aage badhe. Sath hi desh ko aage badhane me madat kare. Isi shubhkamna ke sath mai ap se vida leta hu.

Ummid hai aap sab ko hamari Bhartiya nari yah post pasand aai ho. Agar ha to hame comment karna na bhule. aur SHANTIDUT team ka hausla badhaye.

Aapka din shubh ho,

Dhanyawad

 

2 thoughts on “Bhartiya Nari”

Leave a Comment

आपका ईमेल पता प्रकाशित नहीं किया जाएगा. आवश्यक फ़ील्ड चिह्नित हैं *