Dar kya hai or Dar se mukti ke raste,dar ko bhagane ke upay, dar dur karne ke totke, dar bhagane ka mantra,

Dar kya hai or dar se mukti

Dar ek aisa ahsas hai jo sankat ane ke purv hi hame sankto jaisa anubhav deta hai. Dar se mukti pana insan ke liye asambhav hai. Insan hamesha dar ko bhagane ke upay khojta rahta hai. Koi dar dur karne ke totke apnata hai. To koi dar bhagane ka mantra japta hai. Aur kuch log Dar ke aage jit hai is vakya pe vishwas rakhkar karya karte hai. Usi dar ka safar aaj ham Dar kya hai or dar se mukti is chotisi post me dekhne ja rahe hai.

Dar ka itihas

Pichli post me hamne dekha ki shuruwati samay me niwas ki vyavstha karne hetu insan ko anek sankto ka samna karna pada. Samay ke sath insan dhire-dhire sari taklifo ko mat deta gaya. Lekin dar ek aisi samasya thi ki dar ko maat dena insan ke bas me nahi tha. Dar se mukti pana insan ke liye asambhav kary tha.

Ham anuman laga sakte hai us wakt insan ko nimnalikhit ghatnao se dar lagta hoga.

1)  Prakrutik apdao se, jaise jangal me lagi bhishan aag se lagne wala dar. Bijali kadak ne ki bhayankar gadgadahat (garjna) ka dar. Ati varsha ya tej andhiyo se uske dwara banai kacchi zopdiya dhwast ho jane ka dar.

2)  Vanya praniyo dwara sharir par chot khane ya shikar ho jane se utpanna hua dar. Shayd yahi se dar ki shuruwat hui. Shurwati insan apne hathiyaro ki sahayta se ek utkrushth shikari to ban chuka tha. Kintu us wakt swayam se bade jeevo ka shikar karne wale insan ko chote vishyle jeev jaise saap, bicchu dwara kate jane ka dar hamesha bana rahta.

Kyu ki us samay insan ke pas inse bachne ke liye koi upay nahi the. Na hi koi aushadhi ki vyavsta thi. Na koi vaidya na koi chikitsak uplbdh tha. Yadi samuh ka koi bhi insan in vishyle jeevo ke chapet me aa jata, to uski mrutyu nishchit thi.

Yahi se dar ki shuruwat ho chuki thi jo bhavishya me bhi insan ko satane wali thi. Jiha dosto tab se lekar aaj tak insan ye nahi Jan paya ki dar kya hai or dar se mukti pana bhi uske liye asambhav ho chuka hai.

Dar kya hai or Dar se mukti ke raste,dar ko bhagane ke upay, dar dur karne ke totke, dar bhagane ka mantra,

Dar ka prasar

Dosto dar ek aisi chij hai jise insan pidhi-dar-padhi virasat me leta aya hai. Insan jab duniya me ata hai, tb vah bachha dar se anjan hota hai. Kintu pal-pos ke bada karne wale pariwar ke dwara uske dimag me tthus-tthus kar bhar diya jata hai. Jaise (bacha jab rota hai to use yah kah kar daraya jata hai ki “shhh rona band karo nahi to koi aa jayega”. ”udhar mat jana koi Pakad kar sath le jayega.” “Andhre me mat jana bhoot hota hai.”)

Thik isi prakar dar, hamre dimag me apna ghar kar leta hai. Ek bar dar ne hamare dimag me jagh bana li to fir us dar se mukti pana insan ke liye asambhav ho jata hai.

Dar ke lakshan

Dar kya hai or dar se mukti is vishay par sochte huye Dar ke lakshano ko kaise samza jaye ye sawal bhi ap ke man me ata hi hoga. Dosto dar aksar phobia ke roop me prakat hota hai, jo alg alg  paristhitiyo me utpanna hota hai. jaise (saarvajanik sthano me bolane ka dar), jaanavar (sap ya makadiyon ka dar), rakt, injekshan ityaadi.

Jab apako dar lagta hai tab, sharirik, manasik aur bhavanatmak pratikriyaen hoti hai, jisame shamil  hai:

  • dil kee dhadkan badh jana
  • sans lene me takalif
  • chakkar aana
  • pasina ana
  • jabaradast chinta, dahashat
  • bahut dabaav mahasoos karna
  • bhag jane ki jarurat mahsus karna
  • khud ko sab se alag asahaj mahasoos karna
  • aisa lagna ki ham behosh ho sakate hai ya mar sakate hai
  • khud ko shaktihin mahasus karana. Ityadi.

Dar ke samanya prakar

Sarvajanik bolne ka dar- Yah dar ek ya ek se adhik vyaktiyo ke samaksh bolne se pahle lagta hai.

Mrutyu ka dar- Yah dar hame tab lagta hai, jab ham apni mrutyu ko apne samaksh dekhte hai. Ya koi gambhir bimari ke chalte bhi yah dar lagna swabhavik hai.

Garibi ka dar- Samany logo me ek garib insan ko garib hone ka ahsas bohot hi satata hai. Use apne garibi ka dar hamesha har jagh satata hai.

Asafalta ka dar- Kisi bhi karya ko hath me lene se purv uske asafal hone ka ahsas.

Asvikrti ka dar- Kisi vyakti dwara hamare vichar ya hamri bat ko swikar na karne ka ahsas.

Akelaapan ka dar- Hamare apne sambandhi dur jane ka ihsas.

Unchaiyon ka dar- Kisi unche sthan se niche ki or dekhe jane par lagne wala dar.

Dubane ka dar- Nadi, talab ya samundar me dub jane ka ahsas.

Viparit ling ke logo se baat karane ka dar- Nari jati dwara Purush jati athva Purush jati dwara Nari jati ke samaksh bat karte wakt hone wala bhay ka ahsas.

Andhere ka dar- jab insan ko akho se kuch dikhai na de us wakt vah swaym ko asurakshit mahsus karta hai. Isi karanvash insan andhe re darta hai. Is prakar ka dar samanya-tah har insan me paya jata hai.

Uprokt dar ke prakaro se ham achi tarah avgat hai. Is dar ko puri tarah khatm nahi kiya ja sakta kintu ise kam avashy kiya ja sakta hai.

Chikitsa kshetra me dar ke prakar

Dar kya hai or dar se mukti pane ke liye hame yah gyat karna avshyak hai ki dar ke kai prakar hote hai. Jinhe vaydyakiy ya chikitsa kshetro me vibhina bhago me baata gaya hai. Unme se kuch prakar hai.

Claustrophobia: Choti or simit jagahon me hone ka dar.

Aerophobia: Udan bharne par lagne wala dar.

Arachnophobia: Makadiyon se lagne wala dar.

Driving phobia: Ek Car chalane ka dar.

Emetophobia: Ulti hone ka dar ka dar.

Erythrophobia: Sharm ane ka dar.

Hypochondria: Bimar hone ka dar.

Zoophobia: Janvaro se lagne wala ka dar.

Aquaphobia: Pani se lagne wala ka dar.

Acrophobia: Unchaiyo se lagne wala dar.

Blood, injury, and injection (BII) phobia: Rakt (Khoon) se judi chot ka dar.

Escalaphobia: Escalator par baith ne ka dar.

Tunnel phobia: Surango se lagne wala dar.

Dar kya hai or Dar se mukti ke raste,dar ko bhagane ke upay, dar dur karne ke totke, dar bhagane ka mantra,

Dar kya hai or dar se mukti

1 Apne dar ko pahchane- 

Dar par kabu pane se pahale, pahchane ki aap wastav me dar rahe hai? Yadi ha, to apako yah pata hona chahiye ki apaka dar apake jeevan me sirf nuksan hi kar sakta hai. Apne vicharo aur bhavnao ko yah bat samzaye ki dar kabhi satya nahi ho sakta. Yah bas ek abhas hi hai, satya nahi.

2 Saso par kabu-

 Saso par kabu pana bhi dar ko niyantrit karne ka asan upay ho sakta hai, kyo ki jab ham saso par niyantran pa lete hai tab ham apne sharir ki soch par bhi niyantran pa lete hai or is prakar ham dar par kabu pa sakte hai.

3 Abhar –

Yadi aapko sarvajanik bolne me dar laga hai to sab se pahle khud ke prati abhar vyakt kare. Aur yah soche ki sab log bas aap ke vichar sun ne ke liye baithe hai. Yah soche ki jabtak aap unhe batayenge nahi vo log aap ko sun nahi payenge or us wakt dar lagna sahi hoga na ki abhi jb aap kuch bolne wale hai.

4 karyavayi (action) kare-

Soche ki ab bohot ho chukka main ek action (karyavayi) lene vaala hoon. Aur mujhe pata hai ki dar sirf dar hai. Anubhav kare ki yah vastavikta na hokar, mere kalpna se bana hai. Jab aap aisi karyavayi karate hai aur apne dar ka samna karte hai, to dar kamjor ho jata hai. Kyonki aap mahasus karate hai ki vastavikta utani bhi kharab nahin hai jitna aap dar rahe hai.

5 Padhe.

Apane vishisht dar par ek achhi kitaab padhana aap ke liye naye daravaaje khol sakata hai. Apko sahayta kar sakti hai ki aap kaise is dar se chutkara pa sakte hai.

6 Uchit Aahar-

Kya aap jaanate hai? Aap jo bhi khate hai, us ka natkiya rup se prabhaav ho sakata hai ki aap kaisa mahasoos karate hain? Hamaare khady padartho ka, mansik or sharirik santulan banane me ek aashcharyajanak prabhaav padata hai. Niyamit santulit Aahar apke mastishq ko upayukt banata hai or dar ko kam karne me sahayta karta hai.

7 Yog.-

Yog karna dar ki samsya ka niwaran karne ka atyant labhkari upay hai. Jab ham yog karte hai tab sharir me urja ka nirman hota hai. Aur sharir me samai apaar urja hi hame dar se ladhne me sahayta karti hai.

8 Jeevan Prashikshak

Kya apako asafalata ka dar hai? ya viphalata ka dar hai? Ek achchha jeevan prashikshak apako jeevan sahi rah dikha sakta hai. Aap jeevan me vastav me kya chaahate hai, aur apake jahan me dar kaha se aate hai, in sab ki janch karne me sahayta kar sakata hai.

9 Chikitsa-

Yadi aap ek achha chikitsak khoj sakate hai, to chikitsa bahut fayademand siddha ho sakati hai. Yaha tak ​​ki jeevan-parivartan bhi ho sakata hai.

10 Dhyaan. Dhyan prarthana ke saman hi hai. Dhyan se ham mansik tor par majbut hote hai.

In upayo se ham dar kya hai or dar se mukti pa sakne me kuch had tak kamyab ho sakte hai.

Ummid ahi dosto aaj ki dar kya hai or dar se mukti yah post aap sab ko pasand aai ho. Hame comment avashya kare.

Dhanyawad

Leave a Comment

आपका ईमेल पता प्रकाशित नहीं किया जाएगा. आवश्यक फ़ील्ड चिह्नित हैं *