insan kon hai? kaise insan prani se janvar me badal me gaya, insan ka itihas, insan ki buddhi ka vikas, pahla insan, hindu,muslim,sikh,isai kon hai ye insan

Insan

Dosto Insan ke vishay me Jaisa ki hamne pichli post me jana, ki dharti par kis tarah mahavinash hua. Aur us mahavinash se dharti se karib 90% jeevo ka khatma ho gaya. Uske bad alpayu (chota) himyug aya or mahaj kuch 10 sal bad punh dhartipar jeevan ki halchal shuru ho gai. Is tarah dharti ka udhvast hua pariwar punh falne fulne laga. Jab dharti ka sunaharasa pariwar khushhali se ji raha tha tab dhire dhire ek stanpai jeev insan ka rup le raha tha. Char pairo par chalne wala stanpai jeev ab do pairo par chalne ke liye tayar ho raha tha.

Vo jeev aaj ke chimpanzi ya gorilla jaisa raha hoga. Dhire dhire uske sharirik rachna me badlav aa rahe the. Us stanpai jeev ke dimag ka Vikas bohot tejise hone laga tha. Kon janta  tha ke ye jeev anewale samay me sari dharti par raj karne wala tha. Vah do pair wala stanpai prani is dharti ka sabse khatarnak janvar kahlane wala tha. Ji ha dosto vo stanpai prani  tha insan.

Insan ka parichay 

Jab insan ne dharti par apne kadam rakhe tab dharti swarg jaisi fali fuli lagti thi. Dharti ka hara bhara parivar hua karta tha. Vahi parivar jis pariwar ka ek sadasya insan bhi tha. Anya praniyo ki tarah dhartipar insan ko bhi sare haq or purn rup se swatantrata thi. Insan bhi sari dharti par kahi bhi aa ja Sakta tha. Janglo me gufao me jaha bhi Chahe rah skta tha.

Insan ki buniyadi jarurate

Anya praniyo ki tarah insan ki bas do mulbhut jarurate thi. Ek jinda rahne ke liye pet bharna or dusra khud ki raksha karna. Pet bharne ke liye shakahari Khana ya masahar bhi shamil tha. Shuruwat me to mavav jamin me chupe kandmul or vibhinna prakar ke Fal kha ke gujara kar leta tha.Bad me anya praniyo dwara chhoda hua mas khane laga. Dhire dhire usne janvaro se shikar karna bhi Sikh hi liya.

insan,Homo sapiens, insan kon hai, insan ka arth, insan ki pahachan,

 

Dimag ka Vikas

Rahane ki vyavstha

Jab insan ko prakrutik aapda ka samna karna padta tab vo rahne ke liye pedo ka sahara leta tha, samayanusar apne anubhavo ke adhar se uske dimag ka vikas hone laga. Vah akela bhatakne wala insan ab samuh me rahne laga tha. Aur usne gufao me rahna shuru kiya or apne liye rahne ki uchit vyavastha ki.

Ped patto ka upyog

Samay ke sath insan ke dimag ka vikas tejise ho raha tha. Us wakt insan sahit sare janvaro ko prakriti k sare maosam ki mar sahni padti. In prakrutik apdaose Bach ne ke liye sare prani apni rakhsha karna Jante the. Koi gufa me chhip jata, to koi pedo ki sharan le leta. Insan ne us wakt apne sharir ki rakhsha hetu pedo ke patto ka upyog karna sikh liya.

Patthar ka upyog

Kuch samay bad insan ne shikar kar ke janvaro ki khal ko sharir par lapetna shuru kar diya. Shikar ke liye insan ke pas anya janvaro ke bhati na dhardar nakhun the na bade-bade nukile daat. Dhire dhire usne iska tod bhi viksit kar liya. Ab insan nam ka yah prani shikar karne ke liye dhardar patthar ka upyog karne laga. Fir usne us dhardar patthar or badi badi kathiyo ko milakar bhale ka avishkar kiya.

Aag ka upyog

Jaise ham sb jante hai Insan janglo me rahta tha. Use anek naisargik apdao ka samna karna padta. Jaise barish, bijli, bhavandar, bijli girne se lagi aag, nadiyo me baddh. In sab sankato se ladh pana manav ke liye bohot hi mushkil samsya thi. Sukhe ke maosam me pedo ke gharshan se lagi aag janglo me bohot jada tabahi machati thi. Us bhayanak aag ke chapet me aa kar anek jeev jantuo ko anpe pran gavane padte the.

Us wakt insan ko shikar karne ki jarurat nahi padti hogi. Aag me ardhjale jeev pahli bar usne chakh liye or use vah pake huye jeev swadist or bhakshn karne me asan lage ho.

Shayad Us wakt insan ke buddhi ko aag ka sahi upyog gyat hua ho. Tab use aag ko sambhalna ya use kabu karna na ata ho. Lekin jaise jaise samay bit ta gaya vaise vaise is buddhijivi ne aag ko kabu kar aag ka sahi upyog karna sikh hi liya.

insan, aag, aag ka upyog, aag meainig, aag meaning in hindi.

Ab jis aag se sare vanya jeev ghabrate the us aag ko kabu kar ke insan ne sabhi praniyo me apni shreshthata sabit kar li. Ab insan aag ka upyog maas pakane ke sath sath anya janvro se khud ki raksha karne hetu bhi karne laga.

Ek sawal aap sab ke liye

Dosto shuruwati samay me insan k buddhi ko bas kuch hi bate samzti hogi. Jaise bhuk, prajanan, Sharir ko maosam ki mar se bacha ne ke liye vo jo mila use sharir par lapet leta tha. Unme kuch pedo ki pattiya bhi shamil thi. Iske alava use kuch nahi samzta tha.

To kya us wakt insan ke dimag me bhagwan ki kalpna rahi hogi ?

Mai sochta hu ke ham vaha jate or use bar bar jabrdasti samzate ki he Adi-manav ye tumne itne chhote kapde pahne hai achaa nahi lagta, are bhai tum aaj tumhara upwas hai, aaj bas shakahar karo, Bhagwan se daro shikar mat karo masahar mat karo, to kya hamari bat sun leta tha?

Ham use bolte bhai tu Hindu tu Muslim tu Sikh tu isai to vo hamari bat ka kya jawab deta?

Pata hai kya karta? Bas ek tak dekhta rahta, or jab use smz ata ke use yaha Khana nahi Milne wala to vo vaha se chala jata.

Kyo ki Tb uske pas itni Buddhi hi Kaha thi jo Hindu, Muslim, Sikh, Isai kar sake. Tab uske pas itni samz hi Kaha thi ke bhagwan kon hai yah Jan sake. Shayd tab manav ki jindgi me jatiya, dharm, kala, gora, or sare dharmo ke apne apne bhagwan in sab bato ka koi sthan nahi tha.

To ye thi aaj ki insan is Vishay par hamari chotisi post. Is ke aage ki kahani ham anewali post me dekhenge. Hame puri ummid hai ki hamari yah post aap sb ko pasand aai ho. To kripaya aap hame comment karna na bhule hamari next post jald hi aayegi.

“Dhanyawad” aap ka din shubh ho.

Post ka bhag 1 padhe …………………………………………………………………..Agli post par jaye

4 thoughts on “Insan”

  1. Is saransh me aapne kafi sari jankari dedi sir
    Esmese kuchh jankari school life me padh li thi
    Jaise jaise waqt aage bdhta gaya bchpan me mili jankari pichhe chhut si gae . Aaj aapki post pdhkr firse purani yaade ubhar kr aae. Ummid karte hai aage bhi aapki aisehi post aati rahe . Aur hmara mind aisehi refresh hota rhe . Thanks Sir .

Leave a Comment

आपका ईमेल पता प्रकाशित नहीं किया जाएगा. आवश्यक फ़ील्ड चिह्नित हैं *