SARKARI NAUKRI 2018-19UPSC Civil Services Exam. SSC-CGL Exam. IBPS PO Exam. IBPS Specialist Officer Exam. RBI Exam. SBI PO Exam. LIC AAO Exam. Railways Exam

Sarkari Naukri (Gov. job)

Din rat qoura jaisi sites par sawal javab ho rahe hai or aap sab bhi jante hai. Ki aajkal ki bhagdod bhari jindgi me sb ekdusre se aage nikalna chahate hai. Ma-bap ne itna padhaya likhaya Sarkari Naukri (Gov. job) ke kabil banaya. Hamne bhi unke paiso pe bachpan se le kar aaj tak bohot maja kar li. Gharwale kuch bolte to nahi but unki najare ab chubhne lagi hai. SB ka yahi sapna k ladka sarkari Naukri pe lag jaye. Sarkari Naukri (Gov. job) milegi ya nahi bas yehi sawal aaj kal garmaya hua hai. Dosto yehi aaj ka hamara topic hai. To chaliye shuru karte hai.

 

Mai ab is kabil nahi hua, ke Kuch bol kar dikha saku.
Bas koshish kar raha hu, ke Kuch kar ke dikha saku.


Jiha aj har yuva ke dil se yahi bat nikal rahi hai ke abhi chup hu kabhi wakt to mera bhi ayega tab bat karna. Jab Sarkari Naukri lag jayegi tab bat karna. Jab jeb garm hogi tab bat karna. Aj jisko sunaana hai suna lo, aaj sun leta hu. Yehi sb sahna padta hai aaj Sarkari Naukri (Gov. job) karne ki chah rakhne wale yuvao ko.

Dincharya

Roj subah uth jata hu. Roj ke sare kam jaldi khatm kar, library ki taraf bhagta hu. Kyo ki Sarkari Naukri chahiye. Library ke door me baith ke padhna pade, to bhi padhai me koi kami nahi ati. Kyo kyo ki Sarkari Naukri (Gov. job) chahiye. Din bhar puri ji Jan laga ke paddhta hu. Nind aa rahi hoti hai fir bhi sota nahi, kyo ke muze Sarkari Naukri (Gov. job) chahiye. Rat ke 8 bajetak padhai karne ke bad rat me library se ghar ja kar kam kar, fir padhta hu. Kyoki…..?  Rat k 3 baj jate hai sone me muze, kyo ki……?

Din me padhai karte karte, kai sare sawal dimag me ana jana karte hai. Ek hi bat bar-bar search karta hu ki kisi sarkari Naukri ka notification to nahi aya? Are Railway ka koi form to nahi aya? (SSC)staff selection commission ne koi jagh to nahi nikali?

Sarkari Naukri (Gov. job)

UPSC Civil Services Exam. SSC-CGL Exam. IBPS PO Exam. IBPS Specialist Officer Exam. RBI Exam. SBI PO Exam. LIC AAO Exam. Railways Exam

 

 

Logo ke Taane

Kamal ki bat to yah hai k jaha bhi jata hu log ek hi sawal puch ke Jan kha jate hai. “Bhai kya shuru hai? Kaha job karte ho? Payment kitna hai? Ya khali ho.” Kambakhat aisa lagta hasti akho se samne wale ki juban me aag laga de. Kash aisa ho pata. Ek zuti muskan de ke bolna padta hai “uncle Sarkari Naukri (Gov. job) ki padhai kar raha hu”…. q dosto sahi hai na? Are bhai ham job kare ya padhai, in logo ko is bat se kya lena dena.

Khair Jane do, bade hai bujurg hai, do tikhe Tane Marne ka haq to unhe virasat me hi mila hai. Isi bat ka fayda uthakar jate jate ek tikha teer or chala k jate hai. “are tum to tin sal se kar rahe ho na, abtk selection nahi hua? Vo mishra ji ka ladka to 2 month me 1st exam me hi select hogya.”
Ye teer to mano sina chir k nikal jata ho.

Reality

Itni kadi mahnat or taane sahne ke bad Sarkari Naukri (Gov. job) ka notification aya mai khush ho gaya. 2mahine bad (SSC)exam hai. 1500 jagah hai. Usme mere cast me 250 hai. Usme bhi male ke liye 150. Ab mere dimag me bas ek hi dhun sawar hai ki Kuch bhi kar ke is bar ye exam crack karna hai. Kuch bhi ho jaye is 150 me meri ek jagah honi hi chahiye. Dhadkane Badh jati hai, mahant or kadi ho jati hai. Padhai ka time Badh jata hai, ghar me bata diya jata hai ke abhi muze ghar ke kam bata kar disturb na kiya jaye. Mai ab ek pal bhi time waste nahi kar sakta.

Result 

(SSC)Notification aya, Padhai hui, form bhara, exam hui Sab Kuch sahi hua. Lekin jab result aya to mera nam kahi nahi aya. Aisa q hua kabhi socha hai? Ham aajtak samz nahi paye ki akhir galti kiski thi. Hamara result kyo nahi aya or ham Kaha piche rah gaye. Dosto galti hamari nahi thi na hamare padhai ki thi.

Ye aisa hai ki apko bohot Acha swimming ata hai. Aap Jada dur or bohot kam wakt me swimming kar skte hai. Lekin koi ek aisa aa gaya ke vo apse better kar skta hai. Iska arth ye nahi hai, ki apko acha swimming nahi ata.

Hame hamare problem ko samzna  hoga hame hamari  kamiya dhundni hogi. Kamiyo ke uper kam kar ke behatar se behatar result dikhana hoga.

Samzne  ki jarurat

Sarkari Naukri (Gov. job) ka ka notification ate hi ham khush ho jate hai. Lekin hame yah nahi bhulna chahiye ke pure Desh me hamare jaise hajaro dost hai jo is notification ki rah dekh rahe the.
10th pass hote hi sarkari naukri ke piche bhagne ka daor (Trend) shuru ho gaya hai. Ek dusre ki dekha-dekhi, Sab aakhe band kar ke Sarkari Naukri (Gov. job) ke piche bhag rahe hai. Lekin akhir aisa q hua hai ye hame Jan na bohot avasyak hai.

UPSC Civil Services Exam. SSC-CGL Exam. IBPS PO Exam. IBPS Specialist Officer Exam. RBI Exam. SBI PO Exam. LIC AAO Exam. Railways Exam

Akhir aisa kyo hua?

Dosto pichle 5 varsho me hamare bharat me bohot sare retirements huye. Jinke sarkari naukri me 60 sal pure ho gaye hai aise log sarkari naukri se retire huye. Unke retire ho ke purv se hi hamare sarkari sansthano dwara recruitment shuru kar di gai thi. Takriban 60 se 70% retirements huye the. Pichle 5 salo me Bohot bade paimane par sarkari naukri me ijafa hame dekhne  ko mila. Dher sare notifications aye, kitno ne exams di, Bohot se logo ka selection hua.

Is se hua ye ki, sarkari nakri ke kshetra me Ek dam se sarkari naukri ka boom aa gaya. Jise  dekho vo sarkari naukri ki talash me pagal huye ja raha hai. Sab ko bas Sarkari Naukri (Gov. job) chahiye.

Dosto pahle kisi post ke liye hajaro me form aya karte the. Vahi aaj hajaro ki sankhya lakho karodo (millions) me pahoch gai hai. Ye aakda khatarnak tarike se badhta hi ja raha hai.

1 jagh ke piche 1000 log

1 jagh ke piche 1000 log ye aaj ki reality hai. Kya aap jante hai ki aap Sarkari Naukri (Gov. job) ki tayari q kar rahe hai? Kya apko pata hai ki apke competition me kon log hai? Chaliye dekhte hai.

Ji ha dosto hame ye bhi samzna  jaruri hai ki hamare competition me jo bhi log hai vo log pichle 5 sal se padhai kar rahe hai. Kya ham abhi naye sirese padhai shuru karke unhe mat de skte hai? Agar hame sarkari naukri ki avshykta hai to soch ke dekhiye jo pichle 5 sal se Sab kam chod kar bas padhai ke alava or Kuch nahi kar rahe. Unhe Kitni jarurat hogi or vo log aap ko Kis level par takkar (प्रतियोगिता) de skte hai. Yah bat mahaj ek kalpana nahi hai, yah ek sacchai hai jise  hame samzna  hoga.

Sahi Nirnay

Dosto aisa nahi hai ki purane (seniors) or tayar competitors ko mat nahi di ja sakti. Jarur di ja sakti hai. Agar apko lagta hai ke apki padhai ekdam sahi or satik hai to aap definitely apke seniors ko kadi takkar (प्रतियोगिता)de skte hai.

Lekin aap agr ek dusre ki dekha-dekhi kar ke is samsya ko par nahi kar skte. Ye samandar bohot bada or gehara hai dosto ise par vahi karega jisme kabiliyat or eccha-shakti hai. Ek dusro ki dekha dekhi ham is vishal samunder ko par nahi kar skte. Ham puri tayari ke bina hi samandar me kud gaye to hamara dubna tay hai. Ye bat samzna jaruri hai.

Apne pratibha ko pahchaniye

Hame ek dusre ki dekha dekhi band kar hamare khud ke andar ki atma ko jagane ki avshyakta hai. Hamare pas jo Pratibhaye hai use ubharna jaruri hai. Hame apne apko reality samza ke uspar mat karna jaruri ho gaya hai.

UPSC Civil Services Exam. SSC-CGL Exam. IBPS PO Exam. IBPS Specialist Officer Exam. RBI Exam. SBI PO Exam. LIC AAO Exam. Railways Exam

 

Nahi to aisehi chalta  raha to din-b-din kam hoti Sarkari Naukri (Gov. job) hamare Jivan ke mahatvpurn samay ko barbad kar ke rakh degi. Hame khud ki kabiliyat ko samz ke apne raste  khud banane honge.

Samzna hoga ke 50 jagah ke liye 1000 logo ne apply kiya hai to 50 ko hi Sarkari Naukri (Gov. job) milegi. Na ki pure 1000 logo ko. Hame samzna hoga 1000 talented log hone ke bad bhi job bas or bas 50 logo ko hi milegi.

Anewala bhavishya

  Sarkari aakdo ko dekha jaye to din-b-din sarkari naukri yo me nirantar giravat najar aa rahi hai. Dusri taraf hamare yuva dost un kam hoti sarkari naukri yo ke piche bhagte chale ja rahe hai. Jo sankhya ab hajaro se badh kar lakho karodo tak pohoch gayi hai.

Jara soch ke dekhiye anewala samay kaisa hoga. Hajaro lakho yuva jinho ne sarkari naukri ke liye apne jivan ke bahumulya 4 se 5 sal barbad kar diye,Vo kya karenge? Kyo ki jagah to limited hai or competition bohot hi jada khatrnak level par kar chukka hai.

Ab aise yuvao ko samz jana chahiye jinhe lagta hai unki padhai thodi kamjor hai. Ya “ek dusre ke sahare kam chala lenge” aisi soch ne jinke dimag me jagah banai hui hai, aise yuao ko wakt rahte sambhlna jaruri hai.

Khaskar vo yuva dost jo abhi-abhi Sarkari Naukri (Gov. job) ki duniya me utare hai, ya jo utarne ka soch rahe hai. Un logo ka is sarkari naukri ki duniya me koi bhavishya nahi hai jo naye hai ya padhai me thode kamjor hai, padhai me kamjor ho kar bhi sarkari naukri ki exam ko pass kiya ja skta hai, lekin uske liye bohot samay chahiye hoga, jo ab nahi raha.

“Pratibha Ke Bharose Kursi Prapt Ki Ja Sakti Hai Lekin Kursi Ke Bharose Pratibha Prapt Nahi Ki Ja Sakti.”

Time (samay)

Dosto samay bohot kam hai, or mulyawan bhi. Jo Wakt rahte sambhal gaya vo hi asli hero kahlata hai. Apni pratibhao ko pahchan kar hame uspar kam karna chahiye. Apni koi bhi ek field chun kar, abhi se kam par lag jana sahi hoga. Ab wakt aa gaya hai ki ham Sarkari Naukri (Gov. job) ka bhoot hamare dimag se nikal de or apne khud ke pair pe abhi se khade ho jaye.

UPSC Civil Services Exam. SSC-CGL Exam. IBPS PO Exam. IBPS Specialist Officer Exam. RBI Exam. SBI PO Exam. LIC AAO Exam. Railways Exam

 

Kyo ki kal jab sb ke sar se competitive ka bhoot utrega tab shayd sab aapko aap ke field me bhi kadi competition (प्रतियोगिता) denge. Isiliye hame abhi se reality ko samz kar smart work karna jaruri ho gaya hai. Tabhi ja kar ham ek acha bhavisya nirman kar sakte hai.

Hame apna bhavishya hamari buniyadi padhai ko dyan ne rakh kar tay karna aavasyak ho gya hai.

To dosto ye thi aaj ki sarkari naukri ki kahani. Thodi kadvi thi magar yahi sachhai hai. Hame sambhlna hoga. I hope ke aap ko aaj ki Shantidut me ye meri post achi lagi hogi.

To milte hai agli post me.

bye bye “Dhanyawad”

4 thoughts on “Sarkari Naukri (Gov. job)”

  1. Sir,aapne aaj k yuvao k liye kafi interesting baate short me likhi hai. Is blog ko pdhkr yuvao me jagruti nirman ho jayegi . Sach kaha aapne bilkul sach kaha Sarkari job pana aaj k jmane me aasan nhi raha Pr namumkin bhi nhi hai unke liye jinko apne kabiliyat Pr bharosa hai. Hm chahte hai aage bhi aap ke aisehi blog aate rhe. Aapka blog yuvao ko protsahit krta hai. Thanks Sir

    1. THANX ASHWINI MAM, AAP LOGO KE AISE HI UTSAAH OR PROTSHAHAN BHARE COMMENTS AATE RAHE, TO MAI OR “SAHANTIDUT” KI PURI TEAM OR AAP SAB MIL KE AAJ KE YUVAO ME JAGRUTI LA KAR APNE DESH KO AAGE LE JANE ME SAHAYYTA KAR SAKTE HAI.
      “DHANYAWAD” APKA DIN SHUBH HO.

Leave a Comment

आपका ईमेल पता प्रकाशित नहीं किया जाएगा. आवश्यक फ़ील्ड चिह्नित हैं *